Baku Ultra Endurance 2026 | 6H • 12H • 24H

🏁 Baku Ultra Endurance 2026 | 6H • 12H • 24H

Zamanla yarış. Limit sənsən.

20–21 iyun 2026 tarixində Bakıda keçiriləcək Baku Ultra Endurance 2026 | 6H • 12H • 24H yarışı, fiziki güc, mental dözümlülük və strateji idarənin əsl sınağıdır. Bu yarış klassik məsafələrdən fərqlənir.Burada məqsəd sadəcə finişə çatmaq deyil, verilən vaxt ərzində mümkün olan ən uzun məsafəni qət etməkdir.

 ⏱ Yarış Formatı

•  6 saat
•  12 saat
•  24 saat

İştirakçılar seçdikləri zaman intervalı ərzində eyni dövrə (1.15km) üzərində qaçaraq maksimum məsafə toplamağa çalışacaqlar.

 🔓 Hər Kəs Üçün Açıq Format – Qorxmadan Başla
Bu yarış yalnız təcrübəli qaçışçılar və elitlər üçün deyil. İstənilən səviyyədə qaçışçı iştirak edə bilər.
Əsas məqsəd, öz ritmini tapmaq və finişə doğru irəliləməkdir. 

 🟢 6 Saatlıq Yarış (Başlanğıc Üçün İdeal) 

6 saat kifayətdir ki, marafonçu olasan.

Marafon dünyasına ilk addımını atmaq üçün ən uyğun seçimdir.

• Medal üçün minimum məsafə: 10 km 
• Vaxtı istədiyin kimi bölə bilərsən 
• İstədiyin zaman dayan, dincəl, sonra davam et 
• Temp və strategiya tam sənin nəzarətindədir

💬 Sadə desək: 6 saat ərzində rahat tempdə qaçaraq ən azı 10 km qət etsən, sən artıq finişersən.

📝 Qeydiyyat: 20 iyun, saat 07:00

🕒 Start: 20 iyun, saat 08:00

🏁 Finiş: 20 iyun, saat 14:00

 🟡 12 Saatlıq Yarış (Növbəti Səviyyə) 

Səbr burada sürətdən güclüdür.

Artıq özünü bir az daha uzun mübarizədə sınamaq istəyənlər üçün.

• Medal üçün minimum məsafə: 30 km 
• Qaçış + istirahət strategiyasını test etmək imkanı 
• Gecə saatlarına keçid təcrübəsi

💬 Burada oyun dəyişir: Artıq təkcə qaçmaq yox, enerjini düzgün bölmək əsasdır.

📝 Qeydiyyat: 20 iyun, saat 08:00

🕒 Start: 20 iyun, saat 09:00

🏁 Finiş: 20 iyun, saat 21:00

🔴 24 Saatlıq Yarış (Əsl Ultra Təcrübəsi) 

Limit yoxdur. Sadəcə sən varsan.

Tam dözümlülük və mental güc sınağı.

• Medal üçün minimum məsafə: 60 km 
• İstirahət, qidalanma və enerji idarəsi əsas rol oynayır 
• Öz limitlərinlə real qarşılaşma

💬 Bu artıq sadəcə yarış deyil: bu, özünlə uzun bir dialoqdur. 

📝 Qeydiyyat: 20 iyun, saat 08:00

🕒 Start: 20 iyun, saat 09:00

🏁 Finiş: 21 iyun, saat 09:00

📍Məkan

Bakı, Azərbaycan Pişəvəri (Antena) parkı

🧠 Bu Yarış Kimlər Üçündür?

• Öz limitlərini yoxlamaq istəyən qaçışçılar 
• İlk marafon və ya ultra təcrübəsini yaşamaq istəyənlər 
• Saatlıq yarış strategiyasını sınamaq istəyənlər 
• 100 km və daha uzun məsafələrə hazırlaşan atletlər 
• Sərhədlərini aşaraq həm mental gücünü, həm də ultra qaçışın verdiyi həzzi hiss etmək istəyənlər 

⚡ Niyə İştirak Etməlisən?

• Yarışdan öncə (19.06.2026) ilk ekspo təcrübəsi 
• Ekspo günü “Pasta Party” və hədiyyəli oyunlar 
• Azərbaycanda ilk beynəlxalq saatlıq qaçış formatı 
• Tam nəzarətli və təhlükəsiz yarış mühiti 
• Qidalanma və istirahət üçün təşkil olunmuş komanda zonası 
• Hər dövrədə yeni bir sınaq, hər saatda yeni bir mübarizə

🌍 Beynəlxalq Qeydiyyat və Tanınma

Bu yarışın nəticələri beynəlxalq ultramarafon məlumat bazası olan Deutsche Ultramarathon-Vereinigung (DUV) platformasında rəsmi olaraq qeydə alınacaq və bütün finiş edən iştirakçıların statistikalarında əks olunacaq.

🏅 Nəticə və Qaliblər

Qaliblər hər format üzrə (6H / 12H / 24H) ən çox məsafə qət edən iştirakçılar əsasında müəyyən olunacaq.

🎒 Əlavə İmkanlar

• Drop bag zonası
• Qidalanma və su təminatı
• Tibbi dəstək 
• Canlı nəticə izləmə